Wildstroping is 'n werklikheid

Die Wildlife Crime Information Network (WCIN) in samewerking met Wild Rescue NPO het Saterdag 6 Desember 'n antistropingstrop-stap en praatjie in Stilbaai aangebied.

- Johan Victor

Leon Rossouw van die Wildlife Crime Information Network bied die anti-stroping-bewusmakingspraatjie aan onder die bome by Pallinggat. Foto: Chané Basson

(Chané Basson)

Dit is gehou om bewustheid in die Stilbaai-gemeenskap te skep oor die ernstige impak wat onwettige stroping met strikke op wild en ekosisteme het.

Hierdie geleentheid vorm deel van hulle breër anti-stropingstrop-bewusmakingsveldtog, wat geskep is om die ontstellende werklikheid van stroping met strikke in die Wes-Kaap uit te lig.

Stroping met strikke is 'n algemene stroperymetode waaraan baie mense selde dink, tog is dit waarskynlik een van die grootste oorsake van wildsterftes in die Wes-Kaap.