Stilbaai-afgetredenes leer oor misdaadondersoek

STILBAAI - Die doel van U3A Stilbaai is om die lewenskwaliteit van ouer mense, veral afgetredenes, te verbeter.

- Johan Victor

Hulle bevorder die behoud van intellektuele kapasiteit deur middel van stimulerende leeren onderrigprogramme en die sosiale kontak wat daarmee gepaard gaan.

Hulle vergader elke laaste Maandagoggend van die maand, waartydens 'n praatjie oor 'n interessante onderwerp deur 'n kundige spreker aangebied word.

Die praatjies word aangebied in die Gereformeerde Kerk se saal in Reservoir-straat, of as alternatief in Die Waenhuis by Jagersbosch. Die plek word in die maandelikse bulletin bekendgemaak.

Maandagoggend, 25 Augustus, het Coen Marais, oudprofessor in polisiekunde, se praatjie gehandel oor forensiese misdaadondersoeke in Suid-Afrika.