૧૫ એપ્રિલથી કમુરતાં સમાપ્ત થતાં ૪ લગ્નોત્સવનો ભવ્ય પ્રારંભ થશે

મધ્યમવર્ગના પરિવારો માટે લગ્ન બજેટ સંભાળવું મુશ્કેલ બન્યું

- 

લગ્નોત્સુક પરિવારો માટે હવે રાહ પૂરી થવા જઈ રહી છે. ૧૫ એપ્રિલથી કમુરતાં (અશુભ સમયગાળો) સમાપ્ત થતાં શહેર સહિત રાજ્યભરમાં ફરીથી શરણાઈઓ ગુંજી ઊઠશે અને શહેર-ગામોમાં લગ્ન મોસમનો રંગ જામશે. છેલ્લા કેટલાક સમયથી અટકેલાં લગ્નો હવે ધામધૂમથી યોજાવા જઈ રહ્યાં છે, જેના કારણે બજારમાં પણ ભારે ચહલપહલ જોવા મળી રહી છે. કમુરતાં દરમિયાન શુભ કાર્યો ટાળવામાં આવતાં હોવાથી અનેક પરિવારોએ પોતાના લગ્ન કાર્યક્રમોને મુલતવી રાખ્યા હતા. હવે શુભ મુહૂર્ત શરૂ થતાં જ એકસાથે મોટી સંખ્યામાં લગ્નો યોજાયાં છે, પરંતુ આ સમયે અનેક ચીજોમાં ભાવ વધારો થતાં મધ્યમવર્ગના પરિવારો માટે લગ્ન બજેટ સંભાળવું મુશ્કેલ બન્યું છે.