પડદા પાછળના એ ‘હીરો', જેણે ભારતીય ટીમને ચેમ્પિયન બનાવવાની કહાણી લખી ------

જીતમાં ભારતીય ફેન્સ પણ મોટી તાકાત બન્યા ટીમ ઇન્ડિયાની સૌથી મોટી તાકાત ભારતીય ક્રિકેટ ફેન્સ બન્યા, જેઓ દરેક મેચમાં, દરેક પળે ટીમની સાથે ઊભા રહ્યા. દુવાઓ, પ્રાર્થનાઓ અને સપોર્ટ ખેલાડીઓને હંમેશાં એ અનુભવ કરાવ્યો કે તેમની સાથે દેશના ૧૪૦ કરોડ લોકો છે.

- 

ટીમ ઇન્ડિયાએ જ્યારે આઇસીસી મેન્સ ટી-૨૦ વર્લ્ડકપની ફાઇનલમાં ન્યૂઝીલેન્ડ હરાવ્યું ત્યારે અમદાવાદના નરેન્દ્ર મોદી સ્ટેડિયમમાં રુવાડાં ઊભાં કરી દે તેવો માહોલ સર્જાયો હતો. ખેલાડીઓની આંખો હર્ષનાં આંસુથી ઊભરાઈ હતી, હાથોમાં અમદાવાદથી તિરંગો હતો. આવેલા જીતના આ સમાચારે જાણે કે આખા દેશમાં હોળી બાદ દિવાળી જેવો માહોલ સ દીધો હતો. હાલ ચર્ચા વર્લ્ડકપના હીરોઝની થઈ રહી છે, પરંતુ આ વિજયી કહાણી માત્ર ૧૧ ખેલાડીઓ સુધી સીમિત નથી, જેઓ મેદાનમાં ઊતર્યા હતા. દરેક ટ્રોફી પાછળ કેટલાક એવા લોકો પણ હોય છે, જેઓ કેમેરાની પાછળ રહે છે, જેમના નામ કોઈ સ્કોરબોર્ડમાં લખાતા નથી, પરંતુ તેમની મહેનત જીતનો પાયો બનતી હોય છે. ટીમ ઇન્ડિયાની આ વિશ્વ વિજેતાની કહાણીમાં પણ આવાં જ ઘણાં પાત્રો છે, જેઓ મેચ દરમિયાન મેદાનમાં નહોતા ઊતર્યા, પરંતુ દરેક ખેલાડીને નિખારીને એટલા મજબૂત બનાવ્યા કે ભારતીય ટીમના ખેલાડીઓએ ટી-૨૦ વર્લ્ડકપની ટ્રોફી ઊંચકી. ખેલાડીઓએ મેદાનમાં ઇતિહાસ ભલે લખ્યો, પરંતુ એ ઇતિહાસની અસલી કહાણી એ અજાણ્યા હીરોઝે લખી, જેઓ હંમેશાં પડદા પાછળ રહ્યા, પરંતુ તેમના વિના કોઈ પણ જીત શક્ય નહોતી.