તમામ મ્યુનિસિપલ શાળાઓમાં દર દોઢ કલાકે પાણીની ફરજિયાત રિસેસ પાડવા આદેશ જારી

શહેરીજનોને હીટવેવથી બચાવવા માટે અમદાવાદ મ્યુનિસિપલ કોર્પોરેશનનો જબરદસ્ત એક્શન પ્લાન

- 

હવામાન વિભાગની કાળઝાળ ગરમી પડવાની આગાહીને ધ્યાનમાં રાખી વિધાર્થી ઓને પાણી તેમજ ORS આપવા સૂચના

હજુ તો માર્ચ મહિનાની શરૂઆત થઈ છે ત્યારે શહેરના આકાશમાંથી રીતસર અગનગોળા વરસતા હોય તેમ કાળઝાળ ગરમીની શરૂઆત થઈ ગઈ છે. ગરમીમાં હીટવેવની સમસ્યા લોકોમાં વધુ ને વધુ જોવા મળતી હોય છે, જેના કારણે ઘણી વખત ડોક્ટર્સનાં પગથિયાં પણ ચઢવાના દિવસો આવી જતા હોય છે. ગરમીથી બચવા માટે અનેક ટિપ્સ હોય છે તેમ છતાંય લોકો લૂની ઝપટમાં ચઢી જતા હોય છે. શહેરીજનોને હીટવેવથી બચાવવા માટે અમદાવાદ મ્યુનિસિપલ કોર્પોરેશને જબરદસ્ત એક્શન પ્લાન તૈયાર કરી દીધો છે. મ્યુનિસિપલ કોર્પોરેશન સંચાલિત તમામ શાળાઓમાં દર દોઢ કલાકે પાણીની રિસેસ પાડવાનો આદેશ આપી દેવાયો છે. વિદ્યાર્થીઓને સતત પાણી તેમજ ઓરલ રિહાઈડ્રેશન સોલ્યુશન (ઓઆરએસ) આપવાનું સૂચન મ્યુનિસિપલ સત્તાધીશોએ કર્યું છે.