વિવાદિત નૂતન સર્વોદય સોસાયટીના તવ આલિશાન બંગલો પર તંત્રનું બુલડોઝર ચાલ્યું

અશાંત ધારા મામલે ક્લેક્ટર દ્વારા મોટી કાર્યવાહી કરાઈ: બંગલો તેમના મૂળ હિન્દુ માલિકોને પરત કરાશે

- 

અમદાવાદ અશાંત ધારા મામલે કલેક્ટર દ્વારા મોટી કાર્યવાહી કરવામાં આવી છે. ઉત્તરાયણની રજાઓ પૂરી થતાં જ અમદાવાદના પાલડી વિસ્તારમાં મેગા ડિમોલિશન હાથ ધરાયું હતું, જેમાં નવ આલિશાન બંગલા તોડી પાડવામાં આવ્યા છે. આ બંગલાઓને તેમના મૂળ હિન્દુ માલિકોને પરત કરવામાં આવશે.અમદાવાદના પાલડી વિસ્તારમાં આવેલી નૂતન સર્વોદય કો.ઓપરેટિવ હાઉસિંગ સોસાયટીમાં અશાંત ધારાનો ભંગ થવાના મામલે કલેક્ટરે મોટી કાર્યવાહી કરી છે. પશ્ચિમ અમદાવાદના ડેપ્યુટી સિટી કલેક્ટરની કોર્ટ દ્વારા નવ બંગલાનાં વેચાણ દસ્તાવેજને રદબાતલ કરવાનો હુકમ કરવામાં આવ્યો છે, અને આ બંગલા હવે મૂળ હિન્દુ માલિકોને પરત આપવામાં આવશે.