ફ્લેટના બંધબારણે બે મિત્રોએ સગીર પર મજાક-મસ્તીમાં ફાયરિંગ કરતાં ચકચાર

લાંભા વિસ્તારનો ચોંકાવનારો બનાવઃ સગીરની હાલત નાજુક, પોલીસે બે મિત્રોની અટકાયત કરી પૂછપરછ આદરી

- 

શહેરના લાંભા વિસ્તારમાં આવેલા એક ફ્લેટના બંધબારણે ગઈ કાલે ફાયરિંગની ઘટના બનતાં લોકોમાં ફફડાટ વ્યાપી ગયો છે. ત્રણ મિત્રો મોડી રાતે મસ્તી કરતા હતા ત્યારે ફાયરિંગની ઘટના બની હતી. ફાયરિંગની આ ઘટનામાં એક સગીરને ગોળી વાગતાં તે જમીન પર ઢળી પડ્યો હતો, જેને સારવાર માટે હોસ્પિટલ ખસેડવામાં આવ્યો છે. મોડી રાતે થયેલા ફાયરિંગના ચકચારી કિસ્સામાં પોલીસે બે યુવકો વિરુદ્ધ ગુનો નોંધીને તપાસ શરૂ કરી છે. પોલીસે બે યુવકોને રાઉન્ડઅપ કરી લીધા છે અને તેમની આગવી સ્ટાઈલથી પૂછપરછ પણ કરી છે. હાલ સગીરની હાલત નાજુક છે.