અમદાવાદમાં BLO ને હાશકારોઃ ૩,૦૦૦ જેટલા ‘સ્વયંસેવકો' મદદ કરવા માટે મેદાનમાં ઊતરશે

૬૨ લાખથી વધુ મતદારોનો ડેટા એકત્ર કરવાની કામગીરી સરળ બનશે અને હવે SIRના કામનું ભારણ ઘટશે

- 

અમદાવાદ જિલ્લામાં ચાલી રહેલા મતદારયાદી સઘન સુધારણા કાર્યક્રમ (SIR ૨૦૨૫)ને ઝડપી બનાવવા અને કામગીરીને સમયસર પૂર્ણ કરવા માટે જિલ્લા ચૂંટણી અધિકારી અને ક્લેક્ટર સુજિતકુમારે એક મહત્ત્વપૂર્ણ વહીવટી નિર્ણય જાહેર કરતાં બીએલઓની કામગીરી સંભાળી રહેલા કર્મીઓને હાશકારો થયો છે. જિલ્લાની ૨૧ વિધાનસભા બેઠકો પર કાર્યરત બીએલઓ (બૂથ લેવલ ઓફિસર્સ) પર કામનું ભારણ ઘટાડવા અને પ્રક્રિયાને ઝડપી બનાવવા માટે વિવિધ સરકારી વિભાગોમાંથી આશરે ૩,૦૦૦ જેટલા સહાયક કર્મચારીની નિમણૂક કરવામાં આવી છે. જે બીએલઓની કામગીરીનું ભારણ ઓછું કરશે. આ કર્મચારી બીએલઓના ફિલ્ડ પરથી ભરાઈને આવેલાં ફોર્મ્સને ડિજિટલાઇઝ કરવાની કામગીરીમાં મદદરૂપ થશે.