ઇથિયોપિયાના જ્વાળામુખીની રાખ દિલ્હીથી જેસલમેર સુધી પહોંચી ઘણી ઈન્ટરનેશનલ અને જયપુર ફ્લાઈટ રદ

આજે સાંજના ૭.૩૦ પછી ભારતનું આકાશ સ્વચ્છ થાય તેવી શક્યતા

- 

ઇથિયોપિયાના હેલી ગુબ્બી જ્વાળામુખીના વિસ્ફોટના કારણે વિશાળ રાખનાં વાદળ ૨૫,૦૦૦-૪૫,૦૦૦ ફૂટની ઊંચાઈએ ભારત સુધી પહોંચી ગયાં છે, જેના કારણે દિલ્હી, રાજસ્થાન અને ઉત્તર ભારતના મોટા ભાગના વિસ્તારોમાં તેની અસર થઈ છે. દિલ્હીથી થઈને આ રાખ જયપુર-જેસલમેર સુધી પહોંચી ચૂકી છે.

રાજધાની દિલ્હીના ઘણા વિસ્તારોમાં એક્યૂઆઈ ૪૦૦ને વટાવી ગયો છે અને ઝેરી ધુમ્મસ ઘેરાઈ ગયું છે. આનંદ વિહાર, એઈમ્સ અને સફદરજંગની આસપાસ વિઝિબિલિટી ઓછી થઈ ગઈ છે. જ્વાળામુખીની રાખના કારણે અકાસા એર, ઇન્ડિગો અને ઘણી આંતરરાષ્ટ્રીય લાઇટ્સ ડાઈવર્ટ કરવામાં આવી છે અને કેટલીક રદ પણ કરવામાં આવી છે.