ગરમીમાં રાહત ચાર દિન કી ચાંદની': ૧૮ માર્ચથી હીટવેવ ફરી કહેર મચાવશે --

અમદાવાદનું મહત્તમ તાપમાન ૪૦ ડિગ્રીને પાર થતાં શહેરીજનો અકળાઈ ઊઠશે

- 

અમદાવાદ સહિત રાજ્યભરમાં છેલ્લા ચાર દિવસથી સતત વધી રહેલી ગરમીએ રીતસર તાંડવ મચાવી દીધું છે. રાજ્યનાં મોટા ભાગનાં શહેરોમાં ગરમીનો પારો ૪૦ ડિગ્રીને પાર પહોંચી ગયો છે.. સ્થાનિક હવામાન વિભાગ દ્વારા આજે અમદાવાદ, ગાંધીનગર, કચ્છ, પોરબંદર અને સુરેન્દ્રનગર એમ કુલ પાંચ જિલ્લામાં હીટવેવની આગાહી સાથે યલો એલર્ટ જારી કરવામાં આવ્યું છે. હવામાન વિભાગે જણાવ્યું છે કે આવતી કાલથી ગરમીમાં આંશિક રાહત મળવાનું શરૂ થશે, જોકે આ રાહત 'ચાર દિન કી ચાંદની' જેવી જ હશે, કેમ કે આગામી ૧૮ માર્ચથી હીટવેવ ફરી એક વખત કહેર મચાવી દેશે.