વિધવાએ પેટમાં લાત મારતાં ઉશ્કેરાયેલા પ્રેમીએ દાતરડાના પાંચ ઘા ઝીંકી દીધા

સંતાતો સૂતાં હતાં ત્યારે પ્રેમીએ હત્યાકાંડને અંજામ આપ્યો અને ત્યાંથી ભાગી છૂટ્યો

- 

દુનિયાનો સૌથી ખતરનાક નશો પ્રેમનો છે, પરંતુ જ્યારે તેમાં કડવાહટ આવી જાય ત્યારે લોહિયાળ સુનામી આવે છે, જેમાં કેટલાક લોકો મોતના મુખમાં તણાઇ જાય છે. શહેરના છેવાડે આવેલા કણભાના કુબડથલ ગામમાં વિધવાના પ્રેમમાં પાગલ થયેલા યુવકે ધોધમાર વરસાદમાં લોહિયાળ જંગને અંજામ આપ્યો છે. વિધવાએ મોડી રાતે યુવક સાથે શરીર સંબંધ બાંધવા માટે ઇનકાર કરી દેતાં તેણે દાતરડા વડે વિધવાનું ઢીમ ઢાળી દીધું હતું. વિધવાનું બીજા પુરુષ સાથે લફરું છે તેવી શંકા યુવકને હતી તેવા સમયે મહિલાએ શરીર સંબંધ બાંધવાનો ઇનકાર કરી દીધો, જેથી તેની શંકા પાકી થઇ ગઇ હતી અને યુવકે હત્યાકાંડ કરી દીધો.