Van regskantoor tot roeping vir onnie Carmen

Wanneer Carmen Fourie voor haar klas staan waar sy Afrikaans Eerste Addisionele Taal aanbied, is dit moeilik om te glo dat sy oorspronklik as prokureur gekwalifiseer het.

- Maretha Swanepoel

Carmen het in Januarie vanjaar by HTS Skool Tom Naudé aangesluit, waar sy Afrikaans vir gr. 8en 9-leerders aanbied. Hoewel sy in gr. 9 besluit het om regte te studeer, erken sy vandag dat die regswêreld haar nooit werklik gelukkig gemaak het nie.

“Ek het BA Regte gestudeer en daarna my LLB voltooi. Ek het met siviele sake gewerk, maar bloot aangehou omdat ek in hierdie rigting studeer het. Ek het later besef net omdat ek op 15 'n besluit geneem het, beteken dit nie ek moet daarby hou nie.”