'கேரளம்' பெயரை மாற்றும்போது மேற்கு வங்கம் பெயரை மாற்றமுடியாதா?

மம்தா பானர்ஜி கேள்வி!

- 

கேரளாவின் பெயரை மாற்றுவதில் மத்திய அரசு காட்டிய அக்கறையானநடவடிக்கை, மேற்கு வங்காளத்தில் பெரும் சலசலப்பை ஏற்படுத்தியுள்ளது.

மேற்கு வங்கம் பெயரை மாற்றமுடியாதா? என்று மேற்கு வங்க முதல்வர் மம்தா பானர்ஜி கண்டனம் தெரிவித்துள்ளார்.கேரள சட்டமன்றத் தேர்தலுக்கு முன்னதாக இந்த பெயரிடுதல் நடவடிக்கை நடைபெற்றுள்ளது. இது முழுவதுமாக ஒரு அரசியல் நடவடிக்கையாகும் என்று அவர் குற்றம் சாட்டி உள்ளார்.

கடந்த 2011 இல் முதல் முறையாக ஆட்சிக்கு வந்த பிறகு, மம்தா பானர்ஜி மாநிலத்தின் பெயரை மாற்ற முன்மொழிந்தார். அப்போது, மேற்கு வங்கத்தின் பெயரை ‘பஸ்சிம் பங்கா' அல்லது ‘பஸ்சிம் பங்கோ' என மாற்ற முன்மொழிந்தார். இது ஒரு சிறிய மாற்றம் என்று கூறி நிராகரிக்கப்பட்டது.