எடப்பாடியுடன் பா.ஜ.க. குழு சந்திப்பு!

போட்டியிட விரும்பும் இடங்களின் பட்டியலை நயினார் நாகேந்திரன் வழங்கினார்!!

- 

அ.தி.மு.க. பொதுச் செயலாளர் எடப்பாடியை நயினார் நாகேந்திரன் தலைமையிலான பா.ஜ.க. குழுவினர் இன்று சந்தித்துப் பேசினார்கள். அப்போது போட்டியிட விரும்பும் தொகுதிகளின் பட்டியலை வழங்கினார்கள்.

தமிழகத் தேர்தல் களம் சூடுபிடிக்கத் தொடங்கியுள்ளது. கூட்டணிகளும் இறுதி வடிவத்தை நோக்கி சென்று கொண்டிருக்கின்றன.

தி.மு.க. கூட்டணி தொடர்ந்து உறுதியாக உள்ளது. கடந்த முறையைவிட இந்த முறை கூடுதல் கட்சிகள் சேரத் தொடங்கியுள்ளன.

அதே நேரத்தில் அ.தி.மு.க.-பா.ஜ.க. அணியில் புதிய கட்சிகள் சேராமல் இருந்தன. இருந்தாலும் திரைமறைவு வேலைகள் நடந்துவந்தன. இதன் விளைவாக அ.தி.மு.க. பொதுச் செயலாளர் எடப்பாடி பழனிசாமியை நேற்று முன்தினம் அன்புமணி திடீரென சந்தித்தார்.