சிங்கப்பூரில் இந்தியர் அத்துமீறல்: 11 வயது சிறுமியை சீரழித்த நபருக்கு 14 ஆண்டுகள் சிறை!

சிங்கப்பூரில் 11 வயதுச் சிறுமியிடம் பாலியல் அத்துமீறலில் ஈடுபட்ட இந்தியருக்கு 14 ஆண்டுகள் சிறை தண்டனை விதித்து அந்நாட்டு நீதிமன்றம் உத்தரவிட்டுள்ளது. தமிழ்நாட்டை பூர்வீகமாகக் கொண்ட ராமலிங்கம் செல்வசேகரன் (வயது 58), அங்கு மளிகைக் கடை ஒன்றை வைத்து நடத்தி வருகிறார்.

- 

கடைக்கு குளிர்பானம் வாங்கச் சென்ற 11 வயது சிறுமியை கடையின் பின்புறம் உள்ள அறைக்கு தனியாக இழுத்துச் சென்ற அவர், சிறுமியிடம் பாலியல் அத்துமீறலில் ஈடுபட்டார். பாலியல் உறவு குறித்த அறிவோ, தெளிவோ இல்லாத சிறுமி, அதுபற்றி தனது வீட்டில் கூறவில்லை. அதே நாளில் சிறுமி மீண்டும் ஐஸ்கிரீம் வாங்க அந்த கடைக்குச் சென்றாள். மீண்டும் தன்வசம் சிக்கிய சிறுமியை அந்த மளிகைக்கடை ராமலிங்கம் விட்டு வைக்கவில்லை. தனது அறைக்கு சிறுமியை அழைத்துச் சென்று தவறான செயலில் ஈடுபட்டார்.