பாகிஸ்தானுக்கு ஆதரவாக ப.சிதம்பரம் பேசுகிறார்: பகல்ஹாமில் தாக்குதல் நடத்திய 3 தீவிரவாதிகளையும் கொன்று விட்டோம்!

காங்கிரசைப் போல் மோடி அரசு வேடிக்கை பார்க்காது:

- 

மக்களவையில் அமித்ஷா ஆவேசப் பேச்சு!!!

மக்களவையில் உள்துறை மந்திரி அமித்ஷா இன்று நிகழ்த்திய ஆவேசப் பேச்சு தேசிய அளவில் கவனத்தை ஈர்த்துள்ளது.
"பாகிஸ்தானுக்கு ஆதரவாக ப. சிதம்பரம் பேசுகிறார். பகல்ஹாமில் தாக்குதல் நடத்திய 3 தீவிரவாதிகளையும் கொன்று விட்டோம். காங்கிரசைப் போல் மோடி அரசு வேடிக்கை பார்க்காது" என்று அமித்ஷா அழுத்தம் திருத்தமாக தெரிவித்தார்.

நாடாளுமன்ற மழைக்காலக் கூட்டத் தொடர் இம்மாதம் 21-ஆம் தேதி தொடங்கியது. ஆபரேஷன் சிந்தூர், பீகார் வாக்காளர் பட்டியல் சிறப்பு தீவிர திருத்தம் உள்ளிட்ட விவகாரங்களை குறித்துக் நாடாளுமன்றத்தில் விரிவான விவாதம் நடத்த வேண்டும் என்று எதிர்க்கட்சி உறுப்பினர்கள் அமளியில் ஈடுபட்டனர்.

வாரம் இதனால், கடந்த நாடாளுமன்றத்தின் இரு அவைகளும் முடங்கின.

இந்த சூழலில், மக்களவை நேற்று காலை 11 மணிக்கு கூடியது. கேள்விநேரத்துக்கு பிறகு, பகல் 12 மணிக்கு ஆபரேஷன் சிந்தூர் குறித்த விவாதம் தொடங்கப்படும் என்று அவைத் தலைவர் ஓம் பிர்லா அறிவித்தார்.

அப்போது, பீகார் வாக்காளர் பட்டியல் சிறப்பு தீவிர திருத்தம் குறித்தும் விவாதம் நடத்த வேண்டும் என்று எதிர்க்கட்சி எம்.பி.க்கள் கோஷமிட்டனர். இதனால், அடுத்தடுத்து 3 முறை மக்களவை ஒத்திவைக்கப்பட்டது.

பிற்பகல் 2 மணிக்கு கூடியபோது, எதிர்க்கட்சி எம்.பி.க்கள் மீண்டும் அமளியில் ஈடுபட்டனர். அமைச்சர் கிரண் ரிஜிஜு “ஆபரேஷன் சிந்தூர் விவாதத்துக்கு பிறகு விவகாரங்கள் இதர குறித்து விவாதிக்கவும் மத்திய அரசு தயாராக உள்ளது" என்று உறுதி அளித்தார்.

இதை ஏற்று எதிர்க்கட்சியினர் அமைதியாக காத்தனர்.

இதன்பிறகு, பாதுகாப்புத் துறை அமைச்சர் ராஜ்நாத் சிங், ஆபரேஷன் சிந்தூர் தொடர்பான விவாதத்தை தொடங்கி வைத்து உரையாற்றிய போது
"ஆபரேஷன் சிந்தூர் என்ற பெயரில் மேற்கொள்ளப்பட்ட ராணுவ நடவடிக்கையில், பாகிஸ்தானில் செயல்பட்ட 9 தீவிரவாத முகாம்கள் அழிக்கப்பட்டன. 22 நிமிடங்களில் 100க்கும் மேற்பட்ட தீவிரவாதிகள் கொல்லப்பட்டனர்.