திறன் மேம்பட்டு பயிற்சி நிறைவு விழாவில் பயிற்சி பெற்றவர்களுடன் ஆட்சியர் கலந்துரையாடல்

நான் முதல்வன் திட்டத்தின் கீழ் வேளாண்மை அறிவியல் நிலையம் திருப்பதிசாரம் திறன் மேம்பட்டு பயிற்சி நிறைவு விழாவில் மாவட்ட ஆட்சித்தலைவர் அழகுமீனா பயிற்சி பெற்றவர்களுடன் கலந்துரையாடினார்கள்.

- 

பின்னர் அவர் பேசியது, கன்னியாகுமரி மாவட்டத்தில் அதிக பரப்பளவில் தென்னை நடவு செய்து, தேங்காய் உற்பத்தியில் சிறந்து விளங்குகிறது. மேலும் கன்னியாகுமரி மாவட்டத்தில் உள்ள தேங்காய் கொப்பரைகளை தேங்காய் எண்ணெய் உற்பத்தி செய்ய பயன்படுத்தப்படுகிறது. எனவே தென்னை விவசாயிகளின் நலன் கருதியும் வேலைவாய்பற்ற இளைஞர்களை தொழில் முனைவோர்களாக உருவாக்கும் விதமாக தமிழ்நாடு திறன் மேம்பாட்டுக்கழக நிதியுதவியுடன் திருப்பதிசாரம் வேளாண்மை அறிவியல் நிலையத்தில் 'தென்னை சாகுபடி, பதப்படுத்தும் முறைகள் மற்றும் மதிப்புக்கூட்டல் குறித்த நான் முதல்வன் திறன் பயிற்சியானது பள்ளி படிப்பை முடித்த வேலையற்ற இளைஞர்களுக்காக 25.06.2025 முதல் 01.07.2025 வரை (ஐந்து நாட்கள்) நடைபெற்றது.

இப்பயிற்சியில் மேம்படுத்தப்பட்ட தென்னை மற்றும் பாரம்பரிய இரகங்கள் அதன் சிறப்பு அம்சங்கள். தமிழ்நாடு வேளாண் பல்கலைக்கழக வேளாண் இணைய தளம், விதைகள் மற்றும் பிற இடுபொருட்கள் வாங்குவதற்கான தமிழ்நாடு வேளாண்மைப் பல்கலைக்கழக TNAU அக்ரி கார்ட் பற்றிய தொழில்நுட்ப அறிவு, தென்னையில் ஒருங்கிணைந்த ஊட்டச்சத்து மேலாண்மை, மண்ணில் ஈரப்பத மேலாண்மை மற்றும் பாதுகாப்பு நடைமுறைகள் குறித்து தொழில்நுட்ப உரைகள் விளக்கப்பட்டன. மேம்படுத்தப்பட்ட நோய் எதிர்ப்பு இரகங்களுடன் கூடிய தென்னை நாற்று உற்பத்தி குறித்து முனைவர் இரா.லதா, இணை பேராசிரியர் (பயிர் மரபியல்) மற்றும் முனைவர் ஆ. செல்வராணி, உதவி பேராசிரியர் (உழவியல்) ஆகியோரால் எடுத்துரைக்கப்பட்டது.