வளர்ச்சி திட்டப்பணிகள் தொடர்பாக அனைத்து துறை அலுவலர்கள் ஆய்வுக் கூட்டம்

தென்காசி, ஜூன் 7தென்காசி மாவட்ட ஆட்சியரகக் கூட்டரங்கில் பல்வேறு துறைகள் சார்ந்த திட்டப் பணிகளின் முன்னேற்றம் குறித்து, அனைத்து துறை உயர் அலுவலர்களுடனான ஆய்வுக் கூட்டம் மாவட்ட ஆட்சித்தலைவர் கமல்கிஷோர் முன்னிலையில் மாவட்ட கண்காணிப்பு அலுவலர், தமிழ்நாடு பாடநூல் மற்றும் கல்விச் சேவைகள் கழகம் சங்கர் தலைமையில் நடைபெற்றது.

- 

மாவட்ட மாற்றுத்திறனாளிகள் நலத்துறையின் மூலம் 10 மாற்றுத்திறனாளிகளுக்கு ரூ.1,35,000 மதிப்பிலான மின் மோட்டார் பொருத்தப்பட்ட தையல் இயந்திரங்களை மாவட்ட ஆட்சித்தலைவர் முன்னிலையில் மாவட்ட மாவட்ட கண்காணிப்பு அலுவலர், தமிழ்நாடு பாடநூல் மற்றும் கல்விச் சேவைகள் கழகம் வழங்கினார்கள்.

பின்னர் மாவட்ட கண்காணிப்பு அலுவலர் தெரிவித்ததாவது: தமிழ்நாடு முதலமைச்சர் பொதுமக்கள் நலன் கருதி பல்வேறு எண்ணற்ற திட்டங்களை நாள்தோறும் அறிமுகப்படுத்தி செயல்படுத்தி வருகிறார்கள். இத்தகைய திட்டங்களை பொதுமக்களிடம் கொண்டு சேர்க்கும் வகையில், தமிழ்நாடு முதலமைச்சரால் மாவட்ட வளர்ச்சிப் பணிகளை துரிதப்படுத்திடவும், பொதுமக்களுக்கு சென்றடைய வேண்டிய நலத்திட்ட உதவிகளை கண்காணித்திடவும், இயற்கை பேரிடர் காலங்களில் மாவட்ட ஆட்சித்தலைவகளுடன் ஒரு ஒருங்கிணைந்து பணியாற்றிடவும், பல்வேறு பணிகளை மேற்கொள்வதற்காக, மாவட்ட கண்காணிப்பு அலுவலராக நியமனம் செய்துள்ளார்கள். அந்த வகையில் இன்றைய தினம் பல்வேறு துறைகள் சார்ந்த திட்டப் பணிகளின் முன்னேற்றம் குறித்து, அனைத்து துறை உயர் அலுவலர்களுடனான ஆய்வுக் கூட்டம் நடைபெற்றது.