ഇന്ത്യ യുകെ സ്വതന്ത്ര വ്യാപാര ചരിത്രകരാർ

ചോക്ലേറ്റ് മുതൽ കാർ വരെ ഉൽപന്നങ്ങൾക്ക് വില കുറയും പ്രഫഷനലുകൾക്ക് വൻ ഇളവ്

- 

ന്യൂഡൽഹി: മൂന്നു വർഷത്തെ ചർച്ചകൾക്കൊടുവിൽ ഇന്ത്യ-യുകെ സ്വതന്ത്ര വ്യാപാരക്കരാർ യാഥാർഥ്യമാകുമ്പോൾ ഇരുരാജ്യങ്ങളു ടെയും ഉഭയകക്ഷി വ്യാപാരത്തിൽ പ്രതിവർഷം 3,400 കോടി ഡോളറിന്റെ (ഏകദേശം 2.9 ലക്ഷം കോടി രൂപ) വർധനയുണ്ടാകുമെന്ന് പ്രതീക്ഷ. ഇന്ത്യയിൽനിന്ന് യുകെയിലേക്കുള്ള 99 ശതമാനം കയറ്റുമതിയുടെയും തീരുവ കുറയ്ക്കുന്നതോടെ ഇന്ത്യൻ കർഷകർക്കും വ്യവസായികൾക്കും ലാഭം വർധിക്കും.

ഇന്ത്യയ്ക്കുളള നേട്ടങ്ങൾ

യു കെ യിൽ നിന്ന് കയറ്റുമതി ചെയ്യുന്ന വിമാന നിർമാണ ഉൽ പന്നങ്ങൾ, മെഡിക്കൽ ഉപകരണങ്ങൾ എന്നിവ കുറഞ്ഞ ചെലവിൽ ഇന്ത്യക്കാർക്കും ഇന്ത്യൻ വ്യവസായങ്ങൾക്കും ലഭിക്കും.

യു കെ യിൽ നിന്ന് ഇറക്കുമതി ചെയ്യുന്ന ശീതളപാനീയങ്ങൾ, സൗന്ദര്യവർധക വസ്തുക്കൾ, ചോക്ലേറ്റ്, ബിസ്കറ്റ്, സാൽമൺ മത്സ്യം, കാർ എന്നിവ യുടെ തീരുവ 15 ശതമാനത്തിൽനിന്ന് മൂന്നു ശതമാനമാകുന്നതോടെ ഇവയുടെ വില കുറയും.