Handige wenke om kinders veilig te hou dié vakansie

Met die Desembervakansie wat landswyd momentum kry, waarsku Badisa dat kinders hierdie jaar aan verhoogde veiligheidsrisiko's blootgestel kan wees.

- 

"Die kombinasie van langer dae sonder toesig, veranderde roetines, verhoogde alkoholgebruik en die algemene feestyd-druk lei jaarliks tot 'n styging in voorvalle waarin kinders se veiligheid in gedrang kom," se Karoline September, 'n maatskaplike werker by Badisa.

Weet altyd waar jou kinders is

September sê die belangrikste beginsel is eenvoudig: ouers moet te alle tye weet waar hul kinders is. "Wanneer kinders sonder toesig rondbeweeg, veral in die vakansie, word hulle blootgestel aan gevaar. Probeer so ver moontlik om kinders by die huis besig te hou sodat hulle nie in die strate hoef rond te dwaal nie. As jy 'n werkende ouer is, moet jy jou kinders in betroubare sorg plaas," sê sy.

Kuier verantwoordelik