இந்திய மாலுமிகளின் பாதுகாப்புக்கு முக்கியத்துவம்

டிரம்ப்பிடம் மோடி வலியுறுத்தல்

- 

இந்திய மாலுமிகளின் பாதுகாப்பை உறுதி செய்ய வேண்டும் என்று அமெரிக்க அதிபர் டொனால்ட் டிரம்ப்பிடம் பிரதமர் நரேந்திர மோடி வலியுறுத்தினார்.

பிரான்ஸின் ஏவியான் நகரில் ஜி7 உச்சிமாநாட்டையொட்டி டிரம்ப்புடன் புதன்கிழமை நடத்திய இருதரப்பு பேச்சுவார்த்தையில் பிரதமர் இவ்வாறு கூறினார். இரு தலைவர்களும் நேரில் சந்தித்து, விரிவான பேச்சுவார்த்தையில் ஈடுபட்டது கடந்த ஒன்றரை ஆண்டுகளில் இதுவே முதல் முறையாகும்.

ஓமன் கடல் பகுதியில் சரக்கு கப்பல் மீது அமெரிக்கா ராணுவம் சில தினங்களுக்கு முன் நடத்திய தாக்குதலில் மூன்று இந்திய மாலுமிகள் உயிரிழந்த நிலையில், மாலுமிகள் பாதுகாப்பு விவகாரத்தை டிரம்ப்பிடம் பிரதமர் மோடி எழுப்பினார்.

அத்துடன், ஈரான்-அமெரிக்கா இடையே வெள்ளிக்கிழமை (ஜூன் 19) கையொப்பமாக உள்ள அமைதி ஒப்பந்தத்தில் மாலுமிகளின் பாதுகாப்புக்கான அம்சமும் இடம்பெற வேண்டுமென பிரதமர் வலியுறுத்தினார்.