3-ஆவது சுற்றில் சின்னர், ஸ்வியாடெக்

புல் தரை கிராண்ட்ஸ்லாம் போட்டியான விம்பிள்டனில், உலகின் நம்பர் 1 வீரரான இத்தாலியின் யானிக் சின்னர், 5 முறை கிராண்ட்ஸ்லாம் சாம்பியனான போலந்தின் இகா ஸ்வியாடெக் ஆகியோர் 3-ஆவது சுற்றுக்கு முன்னேறினர்.

- 

லண்டன், ஜூலை 4: புல் தரை கிராண்ட்ஸ்லாம் போட்டியான விம்பிள்டனில், உலகின் நம்பர் 1 வீரரான இத்தாலியின் யானிக் சின்னர், 5 முறை கிராண்ட்ஸ்லாம் சாம்பியனான போலந்தின் இகா ஸ்வியாடெக் ஆகியோர் 3-ஆவது சுற்றுக்கு முன்னேறினர்.

ஆடவர் ஒற்றையர் 2-ஆவது சுற்றில், 3 முறை கிராண்ட்ஸ்லாம் வென்றவரான சின்னர் 6-1, 6-1, 6-3 என்ற நேர் செட்களில், ஆஸ்திரேலியாவின் அலெக்ஸாண்டர் வுகிச்சை வீழ்த்தினார்.

போட்டித்தரவரிசையில் 10-ஆம் இடத்திலிருக்கும் அமெரிக்காவின் பென் ஷெல்டன் 6-2, 7-5, 6-4 என்ற வகையில், மற்றொரு ஆஸ்திரேலியரான ரிங்கி ஹிஜிகடாவை தோற்கடித்தார்.

4-ஆம் இடத்திலிருந்த பிரிட்டனின் ஜேக் டிரேப்பர் 4-6, 3-6, 6-1, 4-6 என்ற வகையில், குரோஷியாவின் மரின் சிலிச்சிடம் அதிர்ச்சித் தோல்வி கண்டார்.