இந்தியா-சீனா இடையே சராசரியைவிட கூடுதல் வர்த்தக விரிவாக்கம்

வளரும் நாடுகளில் குறிப்பாக இந்தியா-சீனா இடையே கடந்த 2024-ஆம் ஆண்டின் 4-ஆம் காலாண்டில் சராசரியைவிட சிறந்த வர்த்தக விரிவாக்கம் பதிவாகியுள்ளதாக ஐ.நா. அறிக்கையில் தெரிவிக்கப்பட்டுள்ளது.

- 

நியூயார்க், மார்ச் 15:

அதே நேரம், வரும் காலாண்டுகளில் உலக அளவில் பொருளாதார மந்தநிலை ஏற்படுவதற்கான சாத்தியக்கூறுகள் உள்ளதாகவும் அந்த அறிக்கையில் எச்சரிக்கப்பட்டுள்ளது.

ஐ.நா. வர்த்தகம் மற்றும் மேம்பாட்டுத் துறையின் சர்வதேச வர்த்தக தரவுகள் என்ற அந்த அறிக்கையில் மேலும் கூறப்பட்டுள்ளதாவது:

2024-ஆம் ஆண்டில் உலக அளவிலான வர்த்தகம் ரூ. 104 லட்சம் கோடி (1.2 ட்ரில்லியன் டாலர்) அளவுக்கு விரிவடைந்து, சுமார் ரூ. 2,869 லட்சம் கோடி (33 ட்ரில்லியன் டாலர்) என்ற அளவை எட்டியுள்ளது.

அதன்படி, சேவைத் துறை வர்த்தகம் 9 சதவீத அளவுக்கும், சரக்கு வர்த்தகம் 2 சதவீதம் அளவுக்கும் சர்வதேச அளவில் விரிவடைந்துள்ளது.