யேமன் அருகே அகதிகள் படகு விபத்து: உயிரிழப்பு 76-ஆக உயர்வு

யேமன் அருகே கடலில் அகதிகள் படகு மூழ்கி விபத்துக்குள்ளானதில் உயிரிழந்தவர்களின் எண்ணிக்கை 76-ஆக உயர்ந்துள்ளது.

- 

துபை, ஆக. 4:

இது குறித்து அதிகாரிகள் கூறியதாவது:

எத்தியோப்பியாவிலிருந்து யேமனின் அப்யான் பகுதியை நோக்கி சுமார் 157 அகதிகளை சட்டவிரோதமாக ஏற்றி ஞாயிற்றுக்கிழமை சென்றுகொண்டிருந்த படகு, ஏடன் வளைகுடா அருகே கடலில் மூழ்கியது. விபத்துப் பகுதியில் இருந்து 32 பேர் மட்டுமே உயிருடன் மீட்கப்பட்டனர். இது தவிர, விபத்தில் உயிரிழந்த 76 பேரது உடல்கள் மீட்கப்பட்டுள்ளன. எஞ்சிய 49 பேரின் நிலைமை குறித்துத் தெரியவில்லை. படகில் இருந்து மீட்கப்பட்டவர்களில் சிலர் ஏடன் நகருக்கு அனுப்பப்பட்டுள்ளனர்.