தமிழகத்தில் பிகார் வாக்காளர்கள்?: தேர்தல் ஆணையம் மறுப்பு

தமிழகத்தில் பிகாரைச் சேர்ந்த 6.5 லட்சம் பேர் வாக்காளர்களாக சேர்க்கப்படுவதாக முன்னாள் மத்திய அமைச்சர் ப.சிதம்பரம் முன்வைத்த குற்றச்சாட்டை தேர்தல் ஆணையம் மறுத்துள்ளது.

- 

புது தில்லி, ஆக. 3:

இதுகுறித்து ப.சிதம்பரம் தனது எக்ஸ் பக்கத்தில் ஞாயிற்றுக்கிழமை வெளியிட்ட பதிவில் கூறியிருப்பதாவது:

பிகார் மாநில வாக்காளர் பட்டியல் சிறப்பு தீவிர திருத்தப் பணி தொடர்ந்து பரபரப்பை ஏற்படுத்தி வருகிறது. அம்மாநிலத்தில் 65 லட்சம் பேர் வாக்குரிமையை இழக்கும் அபாயத்தில் இருக்கும் வேளையில், தமிழகத்தில் புலம்பெயர்ந்த பிகார் மாநில தொழிலாளர்கள் 6.5 லட்சம்பேரை வாக்காளர்களாக சேர்ப்பது குறித்து வெளியாகும் தகவல் மிகுந்த கவலையளிக்கக்கூடியதும், சட்டவிரோதமானதும் ஆகும்.

புலம்பெயர்ந்த பிகார் தொழிலாளர்களை நிரந்தரமாக இடம்பெயர்ந்தவர்கள் என்று குறிப்பிடுவது அவர்கள் அவமதிக்கும் செயலாகும். அதுமட்டுமின்றி, தமிழகத்தில் தங்களுக்கு விருப்பமான அரசை தேர்ந்தெடுக்கும் தமிழர்களின் உரிமையில் தலையீடு செய்வதாகவும் அமையும்.