உள்ளாட்சிகளில் மாற்றுத்திறனாளிகளுக்கு நியமனப் பதவி: தகுதி விவரங்கள்-படிவங்கள் அரசிதழில் வெளியீடு

உள்ளாட்சிகளில் மாற்றுத் திறனாளிகளுக்கு நியமனப் பதவிகளை வழங்குவதற்கான விதிமுறைகள், தகுதி விவரங்களை அதற்கான படிவத்துடன் அரசிதழில் தமிழக அரசு வெளியிட்டுள்ளது.

- 

சென்னை, ஜூன் 28:

உள்ளாட்சி அமைப்புகளில் நியமன அடிப்படையில் மாற்றுத் திறனாளிகளுக்கு பதவிகளை வழங்குவதற்கான விண்ணப்ப நடைமுறைகள் ஜூலை 1-ஆம் தேதி தொடங்கவுள்ளன. இதற்கான விதிமுறைகள் மற்றும் விண்ணப்ப மாதிரிகள் தயாரிக்கப்பட்டு அது அரசிதழில் வெளியிடப்பட்டுள்ளது.

அதன் விவரம்:

உள்ளாட்சிகளில் நியமனப் பதவிக்காக, மாற்றுத் திறனாளிகள் விண்ணப்பிக்கும் போது அந்த விண்ணப்பங்களை மாவட்ட அளவிலான குழு பரிசீலிக்கும். இந்தக் குழுவில் மாவட்ட ஆட்சியரின் தனி உதவியாளர், மாவட்ட மாற்றுத் திறனாளி அலுவலர், மாற்றுத் திறனாளிகள் நலச் சங்கத்தைச் சேர்ந்த ஒருவர், ஊரக வளர்ச்சித் துறை உதவி இயக்குநர் ஆகியோர் இடம்பெற்றிருப்பர்.