பிகார் தேர்தலிலும் பாஜகவின் முறைகேடு தொடரும்

ராகுல் காந்தி குற்றச்சாட்டு

- 

புது தில்லி, ஜூன் 7: 'மகாராஷ்டிரத்தில் 2024 சட்டப்பேரவைத் தேர்தலில் சூதாட்டம் நடைபெற்றுள்ளது. அடுத்து பிகார் தேர்தலிலும் பாஜக அதைத் தொடரும். அக்கட்சி எங்கெல்லாம் தோற்கும் சூழல் உருவாகிறதோ அங்கும் இந்த மோசடி நடைபெறும்' என்று மக்களவை எதிர்க்கட்சித் தலைவர் ராகுல் காந்தி சனிக்கிழமை குற்றம் சாட்டினார்.

'இந்தியன் எக்ஸ்பிரஸ்' நாளிதழில் தான் எழுதியிருக்கும் கட்டுரையை குறிப்பிட்டு, 'எக்ஸ்' தளத்தில் அவர் சனிக்கிழமை பதிவிட்டிருந்ததாவது: ஒரு தேர்தலை திருடுவது எப்படி என்பதற்கு, ஜனநாயகத்தை மோசடி செய்த 2024 மகாராஷ்டிர சட்டப்பேரவைத் தேர்தலே உதாரணமாகும். படிப்படியாக அது எப்படி நடைபெற்றது என்பதை, எனது இந்தக் கட்டுரை விளக்குகிறது.