உங்களுடன் ஸ்டாலின் திட்ட பிரசார வாகனம் தொடக்கம்

உங்களுடன் ஸ்டாலின் திட்ட முகாம் தொடர்பாக குறும்படங்கள் விழிப்புணர்வு வாகனத்தை மாவட்ட ஆட்சியர் இரா.சுகுமார் திங்கள்கிழமை கொடியசைத்து தொடங்கி வைத்தார்.

- 

திருநெல்வேலி, ஜூலை 14:

உங்களுடன் ஸ்டாலின் திட்ட முகாமை தமிழக முதல்வர் மு.க.ஸ்டாலின் கடலூர் மாவட்டம், சிதம்பரத்தில் செவ்வாய்க்கிழமை (ஜூலை 15) தொடங்கி வைக்கிறார். இதையொட்டி, ஆட்சியர் அலுவலகத்திலிருந்து இந்த விழிப்புணர்வு வாகனம் இயக்கிவைக்கப்பட்டது.

இந்த நிகழ்ச்சியில் மாவட்ட வருவாய் அலுவலர் மா.சுகன்யா, மாவட்ட செய்தி மக்கள் தொடர்பு அலுவலர் இரா.ஜெய அருள்பதி உள்ளிட்ட பலர் கலந்து கொண்டனர்.

255 இடங்கள்: திருநெல்வேலி மாவட்டத்தில் முகாம் செவ்வாய்க்கிழமை தொடங்கி அக். 7-ஆம் தேதி வரை மொத்தம் 255 இடங்களில் நடைபெற உள்ளன. பொது மக்கள் தங்களது விண்ணப்பங்களை முகாம் நடைபெறும் நாளில் சமர்ப்பித்து பயனடையலாம். அவற்றுக்கு 45 நாட்களுக்குள் தீர்வு காணப்படும். அந்தந்த பகுதியில் உள்ளவர்களுக்கு முகாம் நடைபெறும் தேதி உள்ளிட்ட விவரங்கள் தெரிவிக்கப்பட்டு வருகிறது.