ராய்ட்டர்ஸ் செய்தி நிறுவனத்தின் எக்ஸ் கணக்கு இந்தியாவில் முடக்கம்

சட்ட நடவடிக்கை இல்லை என மத்திய அரசு விளக்கம்

- 

புது தில்லி, ஜூலை 6: சர்வதேச இணையச் செய்தி ஊடக நிறுவனமான ராய்ட்டர்ஸின் எக்ஸ் வலைதளக் கணக்கு இந்தியாவில் ஞாயிற்றுக்கிழமை முடக்கப்பட்டது.

ஆனால் இது சட்டரீதியாக மேற்கொள்ளப்பட்ட நடவடிக்கை இல்லை என மத்திய அரசு தெரிவித்தது. பாகிஸ்தானில் உள்ள பயங்கரவாத முகாம்களை நிகழாண்டு மே 7-ஆம் தேதி ஆபரேஷன் சிந்தூர் நடவடிக்கையின் மூலம் இந்தியா தகர்த்தது.

அந்த சமயத்தில் ராய்ட்டர்ஸ் உள்பட நூற்றுக்கணக்கான எக்ஸ் வலைதளக் கணக்குகளை முடக்க எக்ஸ் நிறுவனத்துக்கு மத்திய அரசின் சார்பில் கோரிக்கை வைக்கப்பட்டது. தகவல்கள் வெளியாயின.