இந்தியாவின் மஞ்சள் ஏற்றுமதி இலக்கு 100 கோடி டாலர்

2030-ஆம் ஆண்டுக்குள் 100 கோடி டாலர் (ரூ.8,500 கோடி) மதிப்புக்கு மஞ்சள் ஏற்றுமதி செய்ய மத்திய அரசு இலக்கு நிர்ணயித்துள்ளது என மத்திய உள்துறை அமைச்சர் அமித் ஷா ஞாயிற்றுக்கிழமை தெரிவித்தார்.

- 

ஹைதராபாத், ஜூன் 29:

தெலங்கானா மாநிலம், நிஜாமாபாத்தில் தேசிய மஞ்சள் வாரிய அலுவலகத்தை மத்திய அமைச்சர் அமித் ஷா ஞாயிற்றுக்கிழமை திறந்து வைத்தார். இது அப்பகுதியில் மஞ்சள் விவசாயிகளின் நீண்ட கால கோரிக்கையை நிறைவேற்றியது மட்டுமல்லாமல் அரசியலில் ஒரு முக்கிய மைல்கல்லாகவும் பார்க்கப்படுகிறது.

இதைத் தொடர்ந்து நடைபெற்ற கூட்டத்தில் அமித் ஷா பேசியதாவது: மஞ்சளை சந்தைப்படுத்துதல், பிற நாடுகளுக்கு அதன் ஏற்றுமதியை ஆதரித்தல், விவசாயிகளுக்கு லாபம் ஈட்டுதல் மற்றும் ஆராய்ச்சியை ஊக்குவித்தல் ஆகியவற்றை இந்த வாரியம் நோக்கமாகக் கொண்டுள்ளது.