கிராமப்புறங்களிலும் ஆவின் பொருள் விற்பனையகங்கள் திறக்க நடவடிக்கை

கிராமப்புற பகுதிகளிலும் ஆவின் பொருள்கள் விற்பனையகங்கள் திறக்க விரைவில் நடவடிக்கை எடுக்கப்படும் என பால்வளத் துறை அமைச்சர் த.மனோ தங்கராஜ் தெரிவித்தார்.

- 

கோவை, ஜூன் 27:

கோவை ஈச்சனாரி ரத்தினம் கல்லூரியில் பால்வளத் துறை சார்பில் நடைபெற்ற 'மிஷன் ஒயிட் வேவ்' என்ற பயிலுறங்கை வெள்ளிக்கிழமை தொடங்கிவைத்த அவர், முன்னதாக செய்தியாளர்களிடம் கூறியதாவது:

தமிழகத்தில் கடந்த 4 ஆண்டுகளில் ஆயிரத்துக்கும் மேற்பட்ட பால் உற்பத்தியாளர்கள் சங்கம் தொடங்கப்பட்டுள்ளது. மேலும், செயல்பாட்டில் இல்லாத சங்கங்களையும், லாபம் ஈட்டாத சங்கங்களையும் மேம்படுத்த 'மிஷன் ஒயிட் வேவ்' திட்டத்தின் மூலம் நடவடிக்கை எடுக்கப்பட்டு வருகிறது.