கொல்கத்தா அரசு சட்டக் கல்லூரிக்குள் மாணவி கூட்டு பாலியல் வன்கொடுமை

மேற்கு வங்கத் தலைநகர் கொல்கத்தாவில் அரசு சட்டக் கல்லூரிக்குள் முதலாம் ஆண்டு மாணவி ஒருவர் கூட்டு பாலியல் வன்கொடுமைக்கு உள்ளாக்கப்பட்ட சம்பவம் அதிர்ச்சியை ஏற்படுத்தியுள்ளது.

- 

கொல்கத்தா, ஜூன் 27:

இது தொடர்பாக, கல்லூரியின் முன்னாள் மாணவரான வழக்குரைஞர், 2 மூத்த மாணவர்கள் கைது செய்யப்பட்டுள்ளனர்.

கொல்கத்தா ஆர்.ஜி.கர் மருத்துவக் கல்லூரிக்குள் கடந்த ஆண்டு ஆகஸ்டில் பெண் பயிற்சி மருத்துவர் ஒருவர் பாலியல் வன்கொடுமைக்கு உள்ளாக்கப்பட்டு, படுகொலை செய்யப்பட்ட சம்பவம் தேசிய அளவில் பெரும் பரபரப்பை ஏற்படுத்திய நிலையில், அதை நினைவூட்டுவதாக தற்போதைய சம்பவம் அமைந்துள்ளது.

தனக்கு நேர்ந்த கொடூரம் குறித்து கஸ்பா பகுதி காவல் நிலையத்தில் மாணவி புகார் அளித்துள்ளார்.