தமிழக கடலோரப் பகுதிகளில் 'சாகர் கவச்' பாதுகாப்பு ஒத்திகை

தமிழக கடலோர மாவட்டங்களில் 'சாகர் கவச்' பாதுகாப்பு ஒத்திகை புதன்கிழமை தொடங்கியது.

- 

சென்னை, ஜூன் 25:

மகாராஷ்டிர மாநிலம், மும்பையில் கடந்த 2008-ஆம் ஆண்டு கடல்வழியாகப் புகுந்த பயங்கரவாதிகள் நடத்திய தாக்குதலில், நூற்றுக்கணக்கான அப்பாவி பொதுமக்கள் இறந்தனர். இந்த சம்பவத்திற்குப் பின்னர் நாடு முழுவதும் கடலோரப் பாதுகாப்பு பலப்படுத்தப்பட்டுள்ளது. இதன் ஒரு பகுதியாக கடலோர மாவட்டங்களில் ஆறு மாதங்களுக்கு ஒருமுறை சாகர் கவச் என்ற பெயரில் பாதுகாப்பு ஒத்திகையை பாதுகாப்புத் துறையினரும், காவல் துறையினரும் நடத்துகின்றனர். இதன்மூலம் கடலோர மாவட்டங்களில் பாதுகாப்பு உறுதி செய்யப்படுகிறது.