மலையாள நடிகர், இயக்குநர் ஸ்ரீநிவாசன் மறைவு

மலையாள திரையுலகின் மூத்த நடிகர், புகழ்பெற்ற திரைக்கதை எழுத்தாளர் மற்றும் இயக்குநர் ஸ்ரீநிவாசன் (69) உடல்நலக் குறைவால் கொச்சியில் சனிக்கிழமை காலமானார்.

- 

இவரது மறைவுக்கு கேரள ஆளுநர் விஸ்வநாத் ஆர்லேகர், முதல்வர் பினராயி விஜயன் மற்றும் திரையுலகைச் சேர்ந்தவர்கள் ஆழ்ந்த இரங்கல் தெரிவித்தனர்.

கடந்த 2022-ஆம் ஆண்டு இதய அறுவை சிகிச்சை செய்துகொண்ட ஸ்ரீநிவாசன், அதன் பிறகு தொடர்ந்து சில உடல்நலப் பாதிப்புகளைச் சந்தித்து வந்தார். இந்நிலையில், எர்ணாகுளம் அருகேயுள்ள உதயம்பேரூரிலிருந்து சனிக்கிழமை காலை கொச்சியில் உள்ள ஒரு தனியார் மருத்துவமனைக்கு 'டயாலிசிஸ்' சிகிச்சைக்காகச் சென்று கொண்டிருந்தபோது அவருக்குத் திடீரென மூச்சுத்திணறல் ஏற்பட்டது.

உடனடியாக வழியிலிருந்த அரசு மருத்துவமனைக்கு அழைத்துச் செல்லப்பட்டார். இருப்பினும், சிகிச்சை பலனின்றி காலை 8.30 மணியளவில் அவர் உயிரிழந்ததாக மருத்துவர்கள் தெரிவித்தனர்.

இவருக்கு மனைவி விமலா மற்றும் பிரபல நடிகர்கள் வினீத் ஸ்ரீநிவாசன், தியான் ஸ்ரீநிவாசன் ஆகிய இரு மகன்களும் உள்ளனர். இறுதிச் சடங்குகள் ஞாயிற்றுக்கிழமை காலை நடைபெறும்.

முதல்வர், பிரபலங்கள் அஞ்சலி: