கேரளத்தில் அமலாக்கத் துறை அதிகாரிகள் மீது தாக்குதல்: 8 பேர் கைது

கேரள முன்னாள் முதல்வரும் சட்டப்பேரவை எதிர்க்கட்சித் தலைவருமான பினராயி விஜயன் வீட்டில் சோதனை மேற்கொண்ட அமலாக்கத் துறை அதிகாரிகளின் வாகனங்கள் மீது தாக்குதல் நடத்தியது தொடர்பாக இதுவரை 8 பேரை மாநில போலீஸார் கைது செய்துள்ளனர்.

- 

இந்த விவகாரம் தொடர்பாக மாநில உள்துறை அமைச்சர் ரமேஷ் சென்னிதலாவை அவருடைய இல்லத்தில் மாநில காவல் துறை தலைமை இயக்குநர் (டிஜிபி) ரவதா ஏ. சந்திரசேகர் வியாழக்கிழமை சந்தித்து ஆலோசனை நடத்திய பின்னர், செய்தியாளர்களிடம் கூறியதாவது:

அமலாக்கத் துறை வாகனங்கள் மீது தாக்குதல் நடத்தியது தொடர்பாக இதுவரை 8 பேரை போலீஸார் கைது செய்துள்ளனர். இந்தத் தாக்குதல் சம்பவத்தில் தொடர்புடைய மேலும் சிலரை போலீஸார் அடையாளம் கண்டுள்ளனர். விசாரணை சரியான பாதையில் சென்று கொண்டிருக்கிறது.

இந்த விவகாரம் தொடர்பாக மாநில உள்துறை அமைச்சருடன் ஆலோசனை மேற்கொள்ளப்பட்டது. அப்போது, குற்றவாளிகள் மீது கடுமையான நடவடிக்கை எடுக்க அவர் அறிவுறுத்தினார்.