நகரங்களைக் கைப்பற்றுங்கள்!

போராட்டக்காரர்களுக்கு ஈரான் இளவரசர் அழைப்பு

- 

ஈரானில் அரசுக்கு எதிராக போராட்டத்தில் ஈடுபட்டு வரும் போராட்டக்காரர்கள், நாட்டின் முக்கிய நகரங்களைக் கைப்பற்றி அவற்றைத் தக்கவைத்துக் கொள்ள வேண்டும் என்று அந்த நாட்டு பட்டத்து இளவரசர் ரேஸா பாலவி அழைப்பு விடுத்துள்ளார்.

இது குறித்து சமூக ஊடகங்களில் அவர் வெளியிட்டுள்ள பதிவுகளில் தெரிவிக்கப்பட்டுள்ளதாவது: அரசுக்கு எதிராக நடத்திவரும் போராட்டத்தை பொதுமக்கள் மேலும் தீவிரப்படுத்த வேண்டும். பாதுகாப்புப் படையினரும் இதற்கு ஆதரவு அளித்து, போராட்டத்தில் இணைய வேண்டும்.

போராட்டக்காரர்கள் அனைத்து நகரங்களின் நிர்வாகக் கட்டமைப்புகளையும் கைப்பற்றி, அவற்றைத் தக்கவைத்துக்கொள்ள வேண்டும்.

இது சுதந்திரத்துக்கான போராட்டத்தின் முக்கிய கட்டமாகும். நான் ஈரானுக்குத் திரும்பி வரத் தயாராகி வருகிறேன். நாட்டில் ஆட்சி மாற்றம் நிகழப்போகும் தருணத்தில் அங்கு இருப்பேன். மக்களின் துணிச்சலுடன் இணைந்து புதிய ஈரானை உருவாக்குவேன் என்றார் அவர்.