நாடாளுமன்றத்தில் அமளிக்கு இடையே 2 மசோதாக்கள் நிறைவேற்றம்

கடல்சார் நிர்வாகத்தில் நவீன மற்றும் சர்வதேச இணக்க அணுகுமுறையை ஒருங்கிணைக்கும் இரு மசோதாக்கள், நாடாளுமன்றத்தில் புதன்கிழமை எதிர்க்கட்சிகளின் கடும் அமளிக்கு இடையே நிறைவேற்றப்பட்டன.

- 

புது தில்லி, ஆக. 6:

மக்களவையில் வணிகக் கப்பல் போக்குவரத்து சட்ட மசோதா-2024, மாநிலங்களவையில் கடல்வழி சரக்கு போக்குவரத்து சட்ட மசோதா-2025 ஆகிய இரண்டும் நிறைவேறின.

கப்பல் போக்குவரத்துத் துறை சார்ந்த இரு மசோதாக்கள் ஒரே நாளில் நிறைவேறியிருப்பது வரலாற்றுச்சிறப்புமிக்கது; இது, நவீன, திறன்மிக்க, உலகளாவிய கடல்சார் கொள்கை கட்டமைப்புக்கு வழிவகுக்கும் என்று மத்திய துறைமுகங்கள், கப்பல் போக்குவரத்து மற்றும் நீர்வழித்தடங்கள் துறை அமைச்சர் சர்வானந்த சோனோவால் பெருமிதத்துடன் குறிப்பிட்டார்.