நீதிபதிகள் நியமனத்தில் மத்திய அரசின் தாமதத்துக்கு எதிரான மனுக்கள்: விசாரிக்க உச்சநீதிமன்றம் ஒப்புதல்

நீதிபதிகள் நியமனத்துக்கான பெயர்களை உச்சநீதிமன்றக் கொலீஜியம் மீண்டும் அனுப்பிய பிறகும், அதற்கு ஒப்புதல் அளிப்பதில் மத்திய அரசு தொடர்ந்து தாமதித்து வருவதை கேள்வி எழுப்பி தாக்கல் செய்யப்பட்ட மனுக்களை விசாரணைக்கு ஏற்க உச்சநீதிமன்றம் வியாழக்கிழமை ஒப்புக்கொண்டது.

- 

புது தில்லி, ஜூலை 24:

உச்சநீதிமன்ற, உயர்நீதிமன்ற நீதிபதிகள் நியமனம் என்பது உச்சநீதிமன்றத் தலைமை நீதிபதி தலைமையிலான கொலீஜியம் பரிந்துரையின் அடிப்படையில் மேற்கொள்ளப்பட்டு வருகிறது. கொலீஜியம் பரிந்துரைக்கும் நபர்களை நீதிபதிகளாக மத்திய அரசு நியமனம் செய்து வருகிறது. இந்த நடைமுறையை மாற்ற மத்திய அரசு முயற்சித்தது. ஆனால், கொலீஜியம் நடைமுறையை சரியானது. அந்த நடைமுறையே தொடரும் என உச்சநீதிமன்றம் திட்டவட்டமாகத் தெரிவித்தது.

இதன் காரணமாக, இந்த விஷயத்தில் மத்திய அரசுக்கும் - உச்சநீதிமன்றத்துக்கும் இடையே அவ்வப்போது மோதல் போக்கு இருந்து வருகிறது. இதன் காரணமாக, நீதிபதிகள் நியமனம் தொடர்பான கொலீஜியம் பரிந்துரைகளுக்கு ஒப்புதல் அளிப்பதில் மத்திய அரசு அவ்வப்போது தாமதம் செய்து வருகிறது. இதை உச்சநீதிமன்றமும் பல முறை சுட்டிக்காட்டியுள்ளது.