நிதி மோசடியில் ஈடுபட்டால் குண்டர் தடுப்புச் சட்டத்தின் கீழ் நடவடிக்கை

உயர்நீதிமன்றத்தில் அரசு தகவல்

- 

மதுரை, ஜூலை 12: இனி வரும் காலங்களில் நிதி மோசடியில் ஈடுபடுவோர் மீது குண்டர் தடுப்புச் சட்டத்தின் கீழ் நடவடிக்கை எடுக்கப்படும் என சென்னை உயர்நீதிமன்ற மதுரை அமர்வில் தமிழக அரசு தெரிவித்தது.

மதுரையைத் தலைமையிடமாகக் கொண்டு செயல்பட்ட சில நிதி நிறுவனங்களில் பொதுமக்களின் பல கோடி ரூபாய் மதிப்பிலான முதலீடுகள் மோசடி செய்யப்பட்டது தொடர்பாக பல்வேறு வழக்குகள் பதிவு செய்யப்பட்டு, விசாரணை நடைபெறுகிறது. இதில் பாதிக்கப்பட்ட பலர் தங்களுக்கு முதலீட்டுத் தொகையைத் திரும்ப வழங்க உத்தரவிட வேண்டும்.

நிதி மோசடி வழக்கில் தொடர்புடையவர்களுக்கு அளிக்கப்பட்ட பிணை உத்தரவுகளை ரத்து செய்ய வேண்டும் என சென்னை உயர்நீதிமன்ற மதுரை அமர்வில் மனுக்கள் தாக்கல் செய்தனர். இந்த மனுக்கள், உயர்நீதிமன்ற நீதிபதி பி. புகழேந்தி முன் ஏற்கனவே விசாரணைக்கு வந்தபோது, பாதிக்கப்பட்டவர்களுக்கு நிவாரணம் வழங்குவதில் உள்ள காலதாமதம் குறித்து அரசுத் தரப்பில் விரிவான பதில் அளிக்க நீதிபதி உத்தரவிட்டார்.

இந்த நிலையில், உயர்நீதிமன்ற நீதிபதி பி. புகழேந்தி முன் இந்த மனுக்கள் வெள்ளிக்கிழமை மீண்டும் விசாரணைக்கு வந்தன.