கரூர் தொழிலதிபரிடம் ரூ. 15 கோடி மோசடி: ‘டிட்கோ’ சிறப்பு மாவட்ட வருவாய் அலுவலர் கைது

கரூர் தொழிலதிபரிடம் ரூ. 15 கோடி மோசடி செய்ததாக மாவட்ட முன்னாள் வருவாய் அலுவலரும், தமிழ்நாடு அரசு தொழில் மேம்பாட்டு கழகத்தின் (டிட்கோ) சிறப்பு மாவட்ட வருவாய் அலுவலருமான சூர்யபிரகாஷை மாவட்ட குற்றப்பிரிவு போலீஸார் செவ்வாய்க்கிழமை நள்ளிரவு கைது செய்தனர்.

- 

கரூர், மார்ச் 5:

கரூர்-கோவை சாலை எம்.பி. நகரைச் சேர்ந்தவர் நல்லமுத்து (55). இவர் ஜவுளி ஏற்றுமதி, கொசுவலை உற்பத்தி நிறுவனம் நடத்தி வருகிறார். இவர் கடந்த 2021-இல் இந்திய தொழில் கூட்டமைப்பின் தலைவராக இருந்தபோது, அப்போதைய கரூர் மாவட்ட வருவாய் அலுவலராக இருந்த சூர்யபிரகாஷின் நட்பு கிடைத்துள்ளது. இதையடுத்து, சூர்யபிரகாஷ் நல்லமுத்துவிடம் அஸ்ஸாம் மாநில அரசில் தனது நண்பர்கள் அதிகாரிகளாக இருப்பதாகவும், அந்த மாநிலத்தின் அரசு டெண்டர் எடுத்து ஜவுளிப் பொருள்கள் மற்றும் கொசுவலை பொருள்களை விற்றால் அதிக லாபம் கிடைக்கும் என ஆசை வார்த்தை கூறினாராம்.