உறுதியளிக்கப்பட்ட ஓய்வூதியத் திட்டம் அமல்

அரசாணை வெளியிட்டது தமிழக அரசு

- 

உறுதியளிக்கப்பட்ட ஓய்வூதியத் திட்டத்தை முன்தேதியிட்டு நிகழாண்டு ஜனவரி 1-ஆம் தேதிமுதல் அமல்படுத்த தமிழக அரசு சனிக்கிழமை அரசாணை வெளியிட்டது.

கடந்த 2003-ஆம் ஆண்டு மார்ச் 31-க்குப் பிறகு அரசுப் பணியில் சேர்ந்தவர்களுக்கும் பழைய ஓய்வூதியத் திட்டத்தை அமல்படுத்தக் கோரி கடந்த 22 ஆண்டுகளாக அரசு ஊழியர்கள் மற்றும் ஆசிரியர்கள் சங்கங்கள் போராட்டம் நடத்தி வந்தன.

சங்க நிர்வாகிகளுடன் அமைச்சர்கள் குழுவினர் பல்வேறு கட்டப் பேச்சுவார்த்தை நடத்தினர். மேலும், பழைய ஓய்வூதியத் திட்டம், பங்களிப்பு ஓய்வூதியத் திட்டம், ஒருங்கிணைந்த ஓய்வூதியத் திட்டம் தொடர்பாக மூத்த ஐஏஎஸ் அதிகாரி ககன் தீப்சிங் பேடி தலைமையிலான மூவர் குழுவினர் ஆய்வு நடத்தி தமிழக அரசுக்கு கடந்த டிச. 30-ஆம் தேதி அறிக்கை அளித்தனர்.