பள்ளி மாணவர்கள் மூலம் ஒரு கோடி குடும்பங்களுக்கு சுகாதார விழிப்புணர்வு

பள்ளி மாணவர்கள் மூலம் தமிழகத்தில் ஒரு கோடி குடும்பங்களுக்கு நோய்த்தடுப்பு குறித்த விழிப்புணர்வு ஏற்படுத்தும் திட்டத்தை மக்கள் நல்வாழ்வுத் துறை அமைச்சர் மா.சுப்பிரமணியன் திங்கள்கிழமை தொடங்கி வைத்தார்.

- 

சென்னை, ஜூன் 23:

சென்னை, தியாகராய நகர், ஸ்ரீராமகிருஷ்ணா மிஷன் சாரதா வித்யாலயா மாதிரி பெண்கள் மேல்நிலைப்பள்ளியில் அத்திட்டம் அறிமுகப்படுத்தப்பட்டது.

அதனுடன், வளரிளம் பருவத்தினருக்கான ஆரோக்கியம் - வாழ்க்கைத் திறன் விழிப்புணர்வு திட்டத்தையும், தேசிய சிறார் நலத்திட்டத்தின் கீழ் பள்ளி செல்லும் குழந்தைகளை பரிசோதிப்பதற்காக மூன்று புதிய நடமாடும் மருத்துவக் குழுக்களையும் அமைச்சர் மா.சுப்பிரமணியன் தொடங்கி வைத்தார்.