உதகை, கொடைக்கானலில் இ-பாஸ் கட்டுப்பாடுகளை தளர்த்தக் கோரி தமிழக அரசு மனு தாக்கல்

உதகை, கொடைக்கானலுக்கு செல்லும் சுற்றுலா வாகனங்களுக்கு இ-பாஸ் கட்டுப்பாடு விதித்து உயர்நீதிமன்றம் பிறப்பித்துள்ள உத்தரவை மறு ஆய்வு செய்து கட்டுப்பாடுகளைத் தளர்த்தக் கோரி தமிழக அரசு தாக்கல் செய்துள்ள மனுவை உயர்நீதிமன்றம் வெள்ளிக்கிழமை விசாரிக்கவுள்ளது.

- 

சென்னை, ஏப். 3:

சென்னை உயர்நீதிமன்றம் பிறப்பித்த உத்தரவின் அடிப்படையில் மலை வாசஸ்தலங்களான உதகை, கொடைக்கானலுக்கு எத்தனை சுற்றுலாவாகனங்களை அனுமதிக்கலாம் என்பது குறித்து சென்னை ஐஐடி மற்றும் பெங்களூரு ஐஐஎம் நிறுவனங்கள் கூட்டாக ஆய்வு மேற்கொண்டு வருகின்றன.

இந்த நிலையில், கோடை விடுமுறையை முன்னிட்டு உதகை மற்றும் கொடைக்கானலுக்கு செல்லும் சுற்றுலா பயணிகளின் வாகனங்களுக்கு கட்டுப்பாடுகளை விதித்து நீதிபதிகள் என். சதீஷ் குமார், டி.பரத சக்ரவர்த்தி ஆகியோர் அடங்கிய அமர்வு உத்தரவிட்டது.