ஷர்துல் அசத்தல், பூரன் அதிரடி; லக்னௌ வெற்றி

ஐபிஎல் போட்டியின் 7-ஆவது ஆட்டத்தில் லக்னௌ சூப்பர் ஜயன்ட்ஸ் 5 விக்கெட்டுகள் வித்தியாசத்தில் சன்ரைசர்ஸ் ஹைதராபாதை அதன் சொந்த மண்ணில் வியாழக்கிழமை வீழ்த்தியது.

- 

ஹைதராபாத், மார்ச் 27:

முதலில் ஹைதராபாத் 20 ஓவர்களில் 9 விக்கெட்டுகள் இழப்புக்கு 190 ரன்கள் சேர்க்க, லக்னௌ 16.1 ஓவர்களில் 5 விக்கெட்டுகள் இழப்புக்கு 193 ரன்கள் எடுத்து வெற்றி பெற்றது.

இந்த ஆட்டத்தில் லக்னௌ தரப்பில் முதலில் ஷர்துல் தாக்குர் 4 விக்கெட்டுகள் கைப்பற்றி அசத்த, பேட்டிங்கில் நிகோலஸ் பூரன், இந்த சீசனின் அதிவேக அரைசதத்துடன் 70 ரன்கள் விளாசி அணியின் வெற்றிக்கு வித்திட்டார்.

முன்னதாக டாஸ் வென்ற லக்னௌ, பந்துவீச்சை தேர்வு செய்தது. ஹைதராபாத் இன்னிங்ஸில் தொடக்க வீரர் டிராவிஸ் ஹெட் அதிரடியாக ரன்கள் சேர்க்க, அபிஷேக் சர்மா 1 பவுண்டரியுடன் 6, இஷான் கிஷண் 0 ரன்களுக்கு அடுத்தடுத்த பந்தில் வெளியேற்றப்பட்டனர்.