நகைப் பறிப்பு சம்பவத்தில் சிக்கியவர் என்கவுன்ட்டரில் உயிரிழப்பு

சென்னையில் ஒரு மணி நேரத்தில் 6 பெண்களிடம் தங்கச் சங்கிலிகளைப் பறித்த சம்பவத்தில் தொடர்புடைய வடமாநிலத்தைச் சேர்ந்த கொள்ளையர், தரமணியில் புதன்கிழமை அதிகாலை போலீஸாரின் என்கவுன்ட்டரில் உயிரிழந்தார்.

- 

சென்னை, மார்ச் 26:

சென்னை சைதாப்பேட்டை, கிண்டி, அடையாறு, வேளச்சேரி, திருவான்மியூர் ஆகிய பகுதிகளில் கடந்த செவ்வாய்க்கிழமை காலை சாலையில் தனியாக நடந்து சென்ற பெண்களிடம் மோட்டார் சைக்கிளில் வந்த இரு நபர்கள் அடுத்தடுத்து தங்கச் சங்கிலிகளைப் பறித்தனர். சம்பவம் நடந்த இடங்களில் கண்காணிப்பு கேமராக்களில் பதிவான காட்சிகள் அடிப்படையிலும், முக அடையாளங்களும் வட மாநிலத்தைச் சேர்ந்த இளைஞர்களாக இருக்கலாம் என்ற சந்தேகம் போலீஸாருக்கு ஏற்பட்டது.

அந்த நபர்கள் சென்னை விமான நிலையம் மூலம் அவர்களது சொந்த ஊருக்கு தப்பிச் செல்லும் வாய்ப்பு இருப்பதாகக் காவல் துறையினர் கருதினர். இதனால் விமான நிலையத்தில் சோதனை நடத்தினர். அப்போது ஹைதராபாதுக்கு புறப்படத் தயாராக இருந்த விமானத்தின் இருக்கையில் அமர்ந்திருந்த ஒரு இளைஞரைப் பிடித்து விசாரித்தனர்.