இந்தியா-நியூஸிலாந்து உறவில் வலுவான வளர்ச்சி

'இந்தியா-நியூஸிலாந்து இடையிலான ஒத்துழைப்பு எனது இருதரப்பு பயணத்தின் போது இன்னும் வலுவாக வளர்ந்துள்ளது' என்று நியூஸிலாந்து பிரதமர் கிறிஸ்டோபர் லக்ஸன் சனிக்கிழமை தெரிவித்தார்.

- 

வெல்லிங்டன், மார்ச் 22:

நியூஸிலாந்து பிரதமராக கடந்த 2023, நவம்பரில் பொறுப்பேற்ற பிறகு, கிறிஸ்டோபர் லக்ஸன் முதன்முறையாக கடந்த மார்ச் 16-ஆம் தேதி இந்தியா வந்தார். இந்த பயணத்தில் வர்த்தகம், பொருளாதாரம் உள்ளிட்ட இருதரப்பு உறவை வலுப்படுத்துவதில் அவர் கவனம் செலுத்தினார்.

மேலும், தில்லியில் நடைபெற்ற சர்வதேச அரசியல்-பொருளாதார மாநாடான 'ரைசினா' உரையாடலில் கலந்து கொண்டு உரையாற்றிய அவர், பல்வேறு வர்த்தக நிகழ்ச்சிகளிலும் பங்கேற்றார்.

இந்நிலையில், நியூஸிலாந்துக்குத் திரும்பிய பிறகு இந்திய பயணம் குறித்து பிரதமர் கிறிஸ்டோபர் லக்ஸன் 'எக்ஸ்' சமூக வலைதளத்தில் தொடர் பதிவுகளை வெளியிட்டார்.