ஒடிஸாவில் தினமும் 3 குழந்தைத் திருமணங்கள்

பல்வேறு தடுப்பு நடவடிக்கைகளை மேற்கொண்டபோதும் ஒடிஸா மாநிலத்தில் நாள் ஒன்றுக்கு 3 குழந்தைத் திருமணங்கள் நடைபெறுவது மாநில அரசின் புள்ளிவிவரங்கள் மூலம் தெரியவந்துள்ளது.

- 

புவனேசுவரம், மார்ச் 22: இதில் நபரங்பூர் மாவட்டம் முதலிடம் வகிக்கிறது.

பழங்குடியினர் நடைமுறை, வரதட்சிணை, தொழிலாளர் குடும்பங்களின் இடம்பெயர்வு உள்ளிட்டவையே மாநிலத்தில் குழந்தைத் திருமணங்கள் இந்த அளவுக்கு உயர்வதற்குக் காரணம் என்று குழந்தைத் திருமண தடுப்பு நடவடிக்கைகளில் ஈடுபடும் சமூக ஆர்வலர்கள் தெரிவிக்கின்றனர்.

அரசின் புள்ளிவிவரங்களின் படி கடந்த 2019 முதல 2025-ஆம் ஆண்டு பிப்ரவரி வரை மாநிலத்தில் 8,159 குழந்தைத் திருமணங்கள் நடைபெற்றுள்ளன. இதில் நபரங்பூர் மாவட்டத்தில் மட்டும் 1,347 குழந்தைத் திருமணங்கள் பதிவாகியுள்ளன. இது மாநிலத்தில் உள்ள 30 மாவட்டங்களில் அதிபட்சமாகும்.