பாம்பனில் கடல் சீற்றம்: 5 மீனவர்களுடன் கடலில் கவிழ்ந்தது படகு

பாம்பனில் கடல் சீற்றம் காரணமாக, 5 மீனவர்களுடன் விசைப்படகு வெள்ளிக்கிழமை கடலில் கவிழ்ந்தது.

- 

ராமேசுவரம், ஜூன் 13: எனினும், அந்த மீனவர்கள் அனைவரும் உடனடியாக மீட்கப்பட்டனர்.

ராமநாதபுரம் மாவட்டம், பாம்பன் பகுதியைச் சேர்ந்த அந்தத் தோணிவளனுக்குச் சொந்தமான விசைப்படகு சீரமைப்புப் பணிக்காக மண்டபம் துறைமுகத்திலிருந்து பாம்பன் தெற்குவாடி துறைமுகத்துக்குக் கொண்டு வரப்பட்டது. இந்தப் படகின் சீரமைப்புப் பணி நிறைவடைந்த நிலையில், பாம்பன் தெற்குவாடி துறைமுகத்திலிருந்து மீண்டும் மண்டபத்துக்குச் செல்வதற்காக 5 மீனவர்களுடன் புறப்பட்டது. மேலும், அந்தப் படகில் மணல் மூட்டைகள் அடுக்கி வைக்கப்பட்டிருந்தன.