பங்குச்சந்தை 4-ஆவது நாளாக நேர்மறையாக முடிவு

இந்த வாரத்தின் முதல் வர்த்தக தினமான திங்கள்கிழமையும் பங்குச்சந்தையில் காளையின் ஆதிக்கம் தொடர்ந்தது.

- நமது நிருபர் மும்பை / புது தில்லி, ஜூன் 9:

லீட்டாளர்கள் வங்கி, நிதி நிறுவனப் பங்குகளை வாங்குவதில் கவனம் செலுத்தினர். மேலும், ரியால்ட்டி குறியீடு தவிர்த்து மற்ற அனைத்து துறை குறியீடுகளும் ஆதாயப் பட்டியலில் இருந்தன என்று பங்கு வர்த்தகத் தரகு நிறுவனங்கள் தெரிவித்தன.

சந்தை மதிப்பு: மும்பை பங்குச்சந்தையில் சந்தை மூலதன மதிப்பு ரூ.3.93 லட்சம் கோடி உயர்ந்து வர்த்தக முடிவில் ரூ.455.06 லட்சம் கோடியாக இருந்தது. அந்நிய நிறுவன முதலீட்டாளர்கள் வெள்ளிக்கிழமை ரூ.1,009.71 கோடிக்கும், உள்நாட்டு நிறுவனங்கள் ரூ.9,342.48 கோடிக்கும் பங்குகளை வாங்கியிருந்தது. சந்தை புள்ளிவிவரத் தகவல்களின் மூலம் தெரிய வந்தது.