சட்டம்-ஒழுங்கை சமரசமின்றி நிலைநாட்ட வேண்டும்

காவல் துறையினருக்கு முதல்வர் மு.க.ஸ்டாலின் அறிவுரை

- 

தமிழக காவல் துறையினர் சட்டம்-ஒழுங்கை சமரசமில்லாமல் நிலைநாட்ட வேண்டும் என்று மு.க.ஸ்டாலின் அறிவுறுத்தினார்.

தமிழ்நாடு சீருடைப் பணியாளர் தேர்வு வாரியம் மூலமாக தேர்வு செய்யப்பட்ட 621 காவல் உதவி ஆய்வாளர்கள், 129 தீயணைப்புத் துறை நிலைய அலுவலர்கள் என மொத்தம் 750 பணியிடங்களுக்குத் தேர்வு செய்யப்பட்டவர்களுக்கு பணி நியமன ஆணை வழங்கும் விழா சென்னை கோட்டூர்புரம் அண்ணா நூற்றாண்டு நூலக அரங்கில் சனிக்கிழமை நடைபெற்றது.

இந்நிகழ்ச்சிக்கு தமிழக அரசின் தலைமைச் செயலர் நா.முருகானந்தம் தலைமை வகித்தார். உள்துறை கூடுதல் தலைமைச் செயலர் தீரஜ்குமார், தமிழக காவல் துறையின் தலைமை இயக்குநர் (பொ) ஜி.வெங்கடராமன், தீயணைப்புத் துறை இயக்குநர் சீமா அகர்வால் ஆகியோர் முன்னிலை வகித்தனர்.

நிகழ்ச்சியில் முதல்வர் மு.க.ஸ்டாலின் 750 பேருக்கு ஆணைகளை வழங்கும் அடையாளமாக 20 பேருக்கு பணி நியமன ஆணைகளை வழங்கினார். மற்றவர்களுக்கு தலைமைச் செயலர் முருகானந்தம், உள்துறை கூடுதல் தலைமைச் செயலர் தீரஜ்குமார் உள்ளிட்டோர் பணி நியமன ஆணைகளை வழங்கினர்.